நமது Blog-ஐ பத்திரமாக சேமிப்பதும் மீட்பதும் எப்படி ? Part-1

இது ஒரு முன் பாதுகாப்பு நடவடிக்கை. இதன் மூலம் திடீரென்று நமது Blog செயலிழந்து விட்டாலோ, அல்லது முடக்கப்பட்டு விட்டாலோ மீண்டும் நம் Blog-ஐ சேதாரமில்லாமல் மீட்டெடுக்க முடியும்.

உங்களின் Blog-ஐ பத்திரமாக பாதுகாக்க முதலில் பிளாகின் Template code ஐ சேமிக்க வேண்டும். இதற்கு,

உங்கள் பிளாக்கர் Dashboard-ன் வலது பக்கத்தில் பட்டியிலப்பட்டிருக்கும் tabs களில் Theme என்ற tab-ஐ கிளிக் செய்யுங்கள்.
வரும் பக்கத்தில் வலது மேல் மூலையில் காணப்படும் Backup/Restore என்ற பட்டனை கிளிக் செய்யுங்கள்.
அடுத்து தோன்றும் pop-up விண்டோவில் Download theme என்பதை கிளிக் செய்து தரவிறக்கி கொள்ளுங்கள். இதில் உங்கள் பிளாக்கின் template, அதில் உள்ள விட்ஜெட்கள் என்பன அடங்கும்.

அடுத்தது நமது பிளாக்கில் உள்ள கட்டுரைகளை சேமிக்க வேண்டும்.

உங்கள் பிளாக்கர் Dashboard-ன் வலது பக்கத்தில் பட்டியிலப்பட்டிருக்கும் tabs களில் Settings என்ற tab-ஐ கிளிக் செய்யுங்கள். கிளிக் செய்தவுடன் அந்த tab-இற்கு கீழே தோன்றும் sub tabs-ல் other என்ற tab-ஐ கிளிக் செய்யுங்கள்.
வரும் பக்கத்தில் முதலாவதாக காணப்படும் Import & Backup எனும் பகுதியில் உள்ள Backup Content பட்டனை கிளிக் செய்து தரவிறக்கி கொள்ளுங்கள். இதில் உங்கள் பிளாக்கின் page, posts & comments என்பன அடங்கியிருக்கும்.

இனி பிளாக்கிற்கு ஏதேனும் அசம்பாவிதங்கள் நடந்தால், இப்போது நாம் செய்து வைத்திருக்கும் முன் பாதுகாப்பு நடவடிக்கை மூலம் எப்படி நம் பிளாக்கை மீட்டெடுப்பது என்பது பற்றி பார்க்க வேண்டும். இறைவன் நாடினால் அடுத்த பதிவில் அதை எழுதுகிறேன்.